SHBA- Një burrë pësoi një urgjencë mjekësore në Shtëpinë e Bardhë ndërsa Presidenti Donald Trump dhe këshilltarët e tij shëndetësorë morën pjesë në një konferencë ku u njoftua kosto më të ulëta për ilaçet për humbje peshe. Gjatë një transmetimi të drejtpërdrejtë, një burrë që qëndronte pranë tavolinës së Trump u pa duke u rrëzuar papritur në Zyrën Ovale ndërsa CEO i Eli Lilly, Dave Ricks, fliste, duke e bërë Ricks të ndërpriste fjalimet e tij.
Dr. Mehmet Oz, kreu i Qendrave për Shërbimet Medicare dhe Medicaid në varësi të Trump, nxitoi për t'i dhënë ndihmën e nevojshme mjekësore personit që nuk u ndje mirë.
Disa minuta më vonë, sekretarja e shtypit e Shtëpisë së Bardhë, Karoline Leavitt, informoi grupin e shtypit të Shtëpisë së Bardhë se burri ishte “mirë”.
Kur konferenca më në fund rifilloi pa burrin që u rrëzua, Trump foli për incidentin mjekësor të burrit.
“Një nga përfaqësuesit e njërës prej kompanive u ndje pak i trullosur, ai është mirë”, tha Trump.
Personi u identifikua fillimisht si Gordon Findlay, drejtori global i markës për prodhuesin e Ozempic, Novo Nordisk, megjithëse kompania farmaceutike më vonë ndau një deklaratë me shumë media duke thënë se Findlay nuk ishte i pranishëm në event. Versus.al
