Tregu i këmbimit valutor shqiptar paraqitet sot me lëvizje të moderuara mes monedhave kryesore, ku vihet re një rënie e lehtë e dollarit amerikan, "vendnumero" i euros dhe forcim i frangës zvicerane.
Sipas kursit zyrtar të këmbimit, dollari amerikan blihet sot me 81.2 lekë dhe shitet me 82.4 lekë, duke shënuar një rënie krahasuar me ditët e mëparshme. Kjo lëvizje reflekton dobësimin e lehtë të monedhës amerikane në raport me lekun.
Ndërkohë, monedha evropiane euro paraqitet relativisht e qëndrueshme. Ajo blihet me 96.2 lekë dhe shitet me 96.8 lekë, duke mbetur në stanjacion, pa ndryshime të ndjeshme në tregun vendas.
Në anën tjetër, franga zvicerane ka shënuar rritje, duke u blerë sot me 103.7 lekë dhe duke u shitur me 104.7 lekë. Forcimi i saj lidhet me rolin tradicional të frangës si monedhë e sigurt në periudha pasigurie ekonomike.
Sa i përket paundit britanik, ai vijon të mbetet relativisht stabil në treg. Paundi blihet me 110.5 lekë dhe shitet me 111.5 lekë, pa luhatje të theksuara gjatë ditës së sotme.
Ekspertët vlerësojnë se lëvizjet aktuale në tregun valutor reflektojnë zhvillimet ndërkombëtare dhe balancën mes ofertës dhe kërkesës në tregun vendas, ndërsa pritet që ditët në vijim të sjellin ndryshime të tjera të lehta.
Më poshtë, po sjellim të dhënat e këmbimin valutor, për të gjitha monedhat e huaja:
