Gjykata e Durrësit vendosi të lirojë sot nga qelia e paraburgimit kundrejt një garancie prej 50 mijë euro, reperin e njohur, Noizy.

Menjëherë pas lirimit reperi hyri live në rrjetin social Instagram teksa ndodhej në makinë.

Ai u shpreh se ka besim tek drejtësia shqitpare dhe e Kosovës duke uruar që çështja të zgjidhet sa më parë.

Ai u ndoq live nga 49 mijë ndjekës.

“S’di ku ta filloj e ku ta mbaroj. Doja të falenderoja familjen dhe njerëzit e mi që nuk u ndalën duke më suportuar dhe të gjithë kolegët që nuk paten frikë të më suportojnë, jo mua por të drejtën dhe të vërtetën, pasi do të fitojnë përherë.

Kam besim te drejtësia në Shqipëri dhe në Kosovë dhe shpresoj të zbardhet çështja sa më shpejt. Ndodhin edhe kështu rastesh ku gjërat shkojnë jo mirë, edhe njëherë ju falendroj më zemër.

Kam një lajm tepër të rëndësishëm.

Të mërkurën do të kemi koncert, më datë 21 në stadiumin ‘Selman Stërmasi’ do të mbajmë një super koncert, jam me super energji, për të gjithë ju fansat më të çmendur në botë.

Ju kërkoj ndjesë e falje të gjithë ju që ishit mbledhur në Shëngjin, shumë shpejt do të dalim edhe me posterin official.”

Noizy u arrestua në Shëngjin më 7 gusht 2024 pasi akuzohet se ishte i përfshirë në një sherr masiv ku ai së bashku me grupin e tij rrahën personazhin e TikTok-ut Medi Iseni në Sancy Club në Pejë, edhe pse këta të fundit deklaruan se sherri ndodhi jashtë ambientit të tyre.

Në kërkim për të njëjtën ngjarje është edhe reperi tjetër Arkimed Lushaj, njohur me emrin e tij të artit, Stresi.

/ Versus.al

Noizy dhe Stresi

Gjykata e Durrësit liroi nga qelia Rigels Rajkun, reperin e njohur me ermin e artit Noizy, i cili u arrestua disa ditë më parë në Shëngjin për llogari të autoriteteve në Kosovë, pasi dyshohet se ka dhunuar TikTokerin e njohur Medi Iseni, me 2 gusht në Pejë.

Noizy është lënë i lirë kundrejt garancisë pasurore 5 milionë lekë të rinj.

Pas këtij vendimi, reperi tjetër i cili ndodhet në arrati i përfshirë në të njëjtën ngjarje, Arkimed Lushaj (Stresi), ka reguar me anë të një insta-story në Instagram.

“Happy for u Zin” shkruan Stresi, në një foto ku shihen të dy përqafuar.

Ai po ashtu shton se Dj Crax, i cili u arrestua bashkë me Noizyn nuk është liruar pasi është shtetas kosovare dhe për të vendos Gjykata e Pejës./Versus.al

Postimi i Stresit

Noizy, Medi Iseni dhe Stresi

Gjykata e Durrësit ka liruar Noizy-n, i cili po mbahej në paraburgim, pasi akuzohej se rrahu në mënyrë brutale së bashku me shokët e tij, personazhin e Tik Tok, Medi Iseni, në një diskotekë në Pejë, mëngjesin e 1 gushtit.

Seanca gjyqësore për Rigels Rajkun u zhvillua ditën e sotme dhe pritet të dalë nga qelia pas rreth 10 ditëve paraburgim.

Gjykata vendosi se reperi duhet të depozitojë brenda 5 ditësh shumën prej 50 mln lekë të vjetra si garanci për lirinë e tij.

Të përfshirë në këtë ngjarje janë edhe Bahtjar Bajraktari me emrin artistik Dj Crax, i cili u arrestua njëherësh me Noizyn, por nuk është liruar pasi është shtetas kosovar dhe për të vendos Gjykata e Pejës, si dhe reperi i njohur si Stresi, Arkimed Lushaj.

Ky i fundit është ende në arrati dhe po kërkohet nga Policia, pasi ka gisht në këtë ngjarje.

Shkak i përleshjes së dy grupeve dyshohen videot e Tik-Tok të Medit, i cili prej kohësh ofendonte reperat Noizy dhe Stresi. Vetë dyshja kanë deklaruar se nuk kanë lidhje me sherrin dhe nuk kanë ndërhyrë për të rrahur Medin Isenin, me të cilin kishin zënka në rrjetet sociale, ndonëse procedimi për to nuk ka munguar.

Medi Iseni nga ana tjetër pohon se “u pre në besë” nga Stresi, i cili dyshohet se e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij, që përfundoi me rrahjen brutale të tij./ Versus.al