Në “Ferma VIP 3”, poetja Mimoza Ahmeti ka arritur të sigurojë mbështetjen më të madhe të publikut, duke u bërë një nga konkurrentet më të preferuara të spektaklit.
Rrugëtimi i saj në fermë ka tërhequr vëmendje që në ditën e parë të hyrjes, ndërsa sjellja e saj spontane dhe momentet virale kanë bërë bujë në rrjetet sociale.
Ndërkohë, këngëtarja Dafina Zeqiri ka shprehur publikisht mbështetjen për Ahmetin, duke publikuar një foto të saj dhe duke shkruar: “Shoqja ime më e mirë vetëm s’e din akoma”.
Sipas ndjekësve, afrimi i saj me poeten ka nisur që pas një performance brenda spektaklit, ku Mimoza interpretoi një nga këngët e artistes, duke krijuar një moment të veçantë mes tyre.


