Vetëm pak orë pas arrestimit, kolegët e Noizyt kanë filluar të shprehin mbështetjen e tyre dhe të ngrenë zërin për padrejtësitë kundrejt tij.
Këngëtari i njohur, Elgit Doda, i cili është edhe një mik mjaft i mirë i Noizyt, është i pari që ka nisur një fushatë në rrjete sociale ‘#me noizyn’.
Në qëndrimin e mbajtur nga Elgiti është mjaft e qartë pafajësia e reperit në sytë e tij.
Sipas këngëtarit, Noizy është ndaluar pa të drejtë dhe kundrejt tij nuk asnjë provë për incidentin e ndodhur.
Elgit Doda shkroi gjithashtu se është e padrejtë e gjithë ajo që po i bëhet kolegut të tij nga autoritetet dhe drejtësia kosovare.
Po ashtu, vuri theksin edhe tek sulmet e vazhdueshme që personazhet e njohura për publikun marrin në rrjetet e tyre sociale nga persona të tjerë.
Ndaj shtoi se për veten, kolegët e tjerë, por edhe për reperin nga Durrësi, kërkon drejtësi.
Reperi Rigels Rajku i njohur me emrin e artit “Noizy” është arrestuar në Shëngjin gjatë orëve të vona të mbrëmjes së djeshme pasi ishte shpallur në kërkim nga policia e Kosovës për rrahjen e personazhit të tiktok-ut, Medi Iseni më 2 gusht brenda një lokali në Pejë.
Arrestimi i Noizyt u bë nga Eurojust në momentin kur ai po shkonte për të mbajtur një koncert. Së bashku me të u arrestua edhe DJ i tij Bahtjar Bajraktari i njohur me emrin e artit “Dj Crax” i cili po ashtu dyshohet të jetë përfshirë në rrahjen e Medi Iseni. Ndërsa në kërkim për ngjarjen është shpallur edhe reperi Arkimed Lushaj i njohur me emrin e artit “Stresi”.
/ Versus.al
