Ndeshja e basketbollit mes Yllit të Kuq të Beogradit kundër Zlatiborit, për çerekfinalet e ligës serbe, po i afrohej fundit të periudhës së tretë, kur basketbollisti Nikola Kaliniç e kapi kundërshtarin e tij me një kapje mundjeje dhe e goditi me grushte!
Matej Cibej u përpoq të depërtonte në zonen e Yllit të Kuq, me Kaliniçin që u përpoq ta ndalonte me një faull të rëndë. Të dy lojtarët ranë në dysheme, me Kaliniçin që e imobilizoi duke ia kaluar këmbët pas belit dhe, më pas, duke e gjuajtur me grushte në trup dhe kokë!
Pasoi një kaos absolut, me ndeshjen që u ndërpre për të paktën dhjetë minuta, ndërsa sulmuesi i “bardhekuqve” u përplas me lojtarë të tjerë të Zlatiborit.
Saša Obradović në deklaratat e tij pas ndeshjes iu referua incidentit. Konkretisht, trajneri serb i "kuqezinjve", e përshkroi sjelljen e lojtarit të tij si të turpshme dhe kërkoi falje për gjithçka që ndodhi.
Në detaje, çfarë tha Saša Obradović: "Urime Zlatiborit, i cili me të vërtetë e meritoi fitoren. Sa për ne, ky nuk është vetëm një turp basketbolli, por edhe njerëzor. Para së gjithash, sjellja ishte e turpshme dhe, nëse mundem në emër të klubit, kërkoj falje për këtë lloj sjelljeje, për konfliktin dhe për gjithçka që ndodhi. Kërkoj falje sinqerisht. Nuk kam qenë kurrë pjesë e diçkaje të tillë më parë. Kjo është e para, një kërkim falje."
