Përditësimet nga sherri i reperit shqiptar, Noizy me personazhin e njohur të Tik Tok, Medi Iseni, në një diskotekë në Pejë para pak ditësh, duket se nuk kanë fund.
Noizy është shpallur në kërkim nga policia kosovare, gjë të cilën ai e konsideron si presion nga disa kolegë të tij të fushës muzikore.
Një prej fansave të reperit ka akuzuar për këtë presion këngëtarin e njohur, Butrint Imeri.
Sipas fansit, Imeri bashkë me dajën e tij avokat, Besnik Berisha po tentojnë të ‘fryjnë’ autoritetet kosovare që të rrisin presionin ndaj Noizyt në mënyrë që t’i frenohen koncertet e planifikuara muzikore.
Duket se edhe Noizy e mbështet këtë ide duke pëlqyer dhe shpërndarë në rrjetet e tij sociale shkrimin e fansit.
Por pa kaluar shumë kohë, reperi e fshiu postimin dhe pëlqimin e bërë duke ndryshuar edhe qëndrimin mbi situatën.
Rikujtojmë se reperi është ende në kërkim nga autoritet kosovare, ndonëse ka deklaruar se nuk ka patur gisht në sherrin e 1 gushtit.
/ Versus.al
