Kreu i Lëvizjes Bashkë, Arlind Qori, ka zhvilluar një intervistë me gazetarin Ronaldo Sharka, i cili ka tentuar ta vërë në "pozitë" duke komentuar paraqitjen e tij fizike.
Qori ka zgjedhur të përgjigjet me diplomaci, duke theksuar se këto komente nuk e shqetësojnë dhe se fokusi i tij mbetet tek puna dhe bisedat me qytetarët në terren.
Ronaldo Sharka: Dukeni simpatik.
Arlind Qori: Të falenderoj, s'ma kanë thënë shpesh këtë gjë. Të falenderoj. Çfarë nuk dëgjon njeriu në jetë.
Ronaldo Sharka: Mund të duhet pak punë, por këtë mund ta bëja unë. Nëse fiton zgjedhjet për kryebashkiak i Tiranës. Mendoj se do ishte më mirë pak më shumë stil.
Arlind Qori: Kohë e humbur nga gjëra të tjera. Takimet me njerëzit, studimet.
Ronaldo Sharka: Edhe pedagog, edhe kreu i Lëvizjes Bashkë me të njëjtat atlete edhe në studion e Grida Dumës dhe tek studiot e tjera, edhe këtu. Nuk është tentativë për t'iu vënë në siklet.
Arlind Qori: Nuk jetoj në siklet. Përkundrazi. Them se është kollaj të bësh gol me penallti me veshjen time sepse jam qëllimisht modest.
Ronaldo Sharka: Ka dhe nga ata që e humbin si Rey Manaj por mund ta rifitojmë prap pastaj. Edhe ju gjatë intervistës, nëse tu duk si gol me penallti mund të më bëni gola të tjerë në vazhdim.
