Një urdhër-arresti ndërkombëtar për herë parë për një zhytës ukrainas në lidhje me sabotimin e gazsjellësve Nord Stream 1 dhe 2 është lëshuar nga autoritetet gjermane pasi u zbulua se njeriu që deri vonë jetonte në Poloni është arratisur në një drejtim të panjohur
Sipas ARD. Süddeutsche Zeitung dhe Die Zeit, instruktori i zhytjes nga Ukraina i quajtur Volodymyr Z. dyshohet se ishte pjesë e ekipit të zhytësve që shkaktuan shpërthimet në dy tubacionet e gazit në vitin 2022 .
Sipas të njëjtave raporte, burri është arratisur nga Polonia pasi dyshohet se ishte informuar për urdhër-arrestin e lëshuar kundër tij nga autoritetet gjermane.
Siç raporton Bild , ky njeri ishte pyetur më parë nga gazetarët për përfshirjen e tij të mundshme në sabotim dhe kishte mohuar çdo përfshirje, duke u shprehur se ishte i habitur.
Autoritetet gjermane, sipas raportimeve, raportohet se kanë identifikuar dy persona të tjerë nga Ukraina , një burrë dhe një grua, për përfshirjen e tyre në dy sabotimet, pa lëshuar megjithatë urdhër-arrest kundër tyre.
Sabotimi u zbulua në shtator të vitit 2022 , gjashtë muaj pas pushtimit të Ukrainës nga Rusia në tubacionet që transportonin gaz nga Rusia në Gjermani, me një hetim që po zhvillohej në Gjermani, Danimarkë dhe Suedi.
