Kryetari i Partisë Demokratike, Sali Berisha ka publikuar në rrjete sociale një video të dërguar nga “qytetari dixhital” i cili pretendon se mjeti Range Rover me targa “GG 444 AA” në pronësi të Ergys Agasit më herët qarkullonte së basku me eskortën e makinave që shoqëronin kryeministrin Edi Rama. Qytetari i ka bashkangjitur një foto në autostradë dhe një video të bërë në Tiranë.
“Doktor kjo video eshte bere kete vit ne Tirane. Eshte eskorta e Edi Rames ku makina e dyte eshte makina zyrtare e kryeministrit dhe nderkohe bashke me te leviz edhe ergys agasi me makinen e tij private. Makina Range Rover, e 5 ne rradhe, ngjyre vishnje, eshte makina e Ergys Agasit me targa GG 444 AA dhe makina tjeter pas tij e fundit ne rradhe eshte makina e rojeve personale te Ergys Agasit po me targe GG 444 AA e modelit Defender”- shkruan qytetari dixhital në mesazhin që Berisha ka publikuar.
Më tej vetë kryedemokrati në një deklaratë për mediat, foli për këtë gjë duke nxjerrë edhe faturat e gjobave të papaguara të Ergys Agasit. Sipas tij, një prej gjobave që Agasi ka marrë është pranë një karburanti në Surrel në afërsi të vilës së kryeministrit Edi Rama.
“Vendi i gjobës ngjitur me shtëpinë e Edi Ramës. Ka lënë makinën e tij aty dhe është futur me një mjet tjetër ose në këmbë. Çfarë donte ky deri aty? Më thoni mua. Është kapur peng në zonën e krimit. Surreli është zonë krimi sepse çdo tullë e vendosur aty është paguar nga qytetarët shqiptarë”- u shpreh mes të tjerash Berisha. Versus.al
