Deputetja Flutura Açka në një status ditën e sotme njoftoi largimin e saj nga grupi parlamentar i Partisë Demokratike si dhe nga dorëheqja nga posti i Kryetares së Komisionit për Edukim dhe Mjetet e Informimit Publik.
Në statusin e saj Açka shkruan se arsyet e largimit të saj nga grupi parlamentar si dhe kryetarja e Komisionit Parlamentar për Edukim dhe Mjetet e Informimit Publik është për shkak të situatës së pashëndetshme të krijuar brenda në PD.
Por nga shkresa e zbardhur drejtuar Kuvendit nga grupi parlamentar i Partisë Demokratike shihet që ky grup ka kërkuar largimin e Açkës nga posti i Kryetares së Komisionit për Edukimin ditë para se deputetja të jepte dorëheqjen.
Në shkresën drejtuar Lindita Nikollës grupi parlamentar i PD-së ka kërkuar që deputetja Ina Zhupa të caktohet si kryetare e këtij Komisioni.
