Garda e Republikës do të vendosë staf sigurie brenda ambienteve të kryesisë së Kuvendit dhe brenda sallës ku mbahen seancat plenare. Anëtarët e gardës do të jenë të pranishëm në Kuvend që prej orës 16:00.
Ndërkohë i është kërkuar ndihmë edhe policisë e zjarrfikësve për të pasur mjete ndihmëse në ambientet e brendshme të godinave për çdo lloj skenari.
Ndërkohë, sa i takon skenarëve të mundshëm për mënyrën sesi do të jetë e organizuar protesta, grupi parlamentar i PD është treguar tepër i rezervuar në informacionet.
Por mësohet se njëri prej skenarëve të mundshëm është që protestuesit të mblidhen para kryeministrisë dhe më pas të shpërndahen nëpër të gjithë Tiranën duke bllokuar dhjetëra akse rrugore. Ndërsa skenari tjetër është që protesta të nisë e shpërndarë me praninë e protestuesve në dhjetëra rrugë të Tiranës pa e përcaktuar nëse do të ketë ndalesa në godinat e institucioneve të caktuara. Versus.al
