Në News24 janë publikuar rezultatet e sondazhit më të fundit të realizuar nga ‘’Notosondaggi’’ para mbajtjes së zgjedhjeve lokale të parakohshme për bashkinë e Tiranës.
Ky sondazh paraqet prirjet elektorale dhe perceptimin që kanë qytetarët për disa figura publike që mund të shihen si kandidatë potencialë për kryetar bashkie, pas përfundimit të mandatit të Erion Veliajt. Sipas rezultateve të deritanishme, ish-ministrja e Shëndetësisë Ogerta Manastirliu gëzon nivelin më të lartë të besimit ndër qytetarët e Tiranës duke kryesuar lehtë ndaj Florjan Binajt.
30% e të anketuarve janë shprehur se “kanë besim” te ajo si kandidate e mundshme,
51% “nuk kanë besim”,
ndërsa 19% thonë se “nuk e dinë” ose “nuk e njohin”.
Në vend të dytë për nivel besimi renditet aktorin dhe aktivistin Florjan Binaj, me:
28% “kanë besim”,
50% “nuk kanë besim”,
dhe 22% “nuk e dinë / nuk e njohin”.
Nga ana tjetër, Arlind Qori, aktivist dhe lider i Lëvizjes BASHKË, rezulton me:
11% që kanë besim,
63% që nuk kanë besim,
dhe 26% që nuk e njohin ose nuk janë të sigurt. Versus.al
