Kryeministri Edi Rama gjatë takimit me pensionistët në qytetin e Korçës tha se qeveria po studion mundësinë për uljen e çmimit të energjisë.
Sipas tij ekonomia shqiptare vitet e fundit ka marrë një rritje pozitive, dhe se për çdo cent të përfituar mbi rritjen e parashikuar të parët që do të përfitojnë do të jenë pensionistët.
“Jemi duke studiuar edhe një ulje të çmimit të energjisë. Ajo që unë kam kërkuar nga Ministria e Infrastrukturës dhe Energjisë është që pensionistët të përfitojnë patjetër një ulje.
Po bëjmë një studim se si afekton kjo. Duke qenë se ekonomia është në një rrugë shumë të mbarë dhe shpresoj të mos kemi larg qoftë ndonjë situatë si ato që na ndodhën përpara. Rritja ekonomike është goxha e qendrueshme, prandaj është koha të bëjmë këto diskutime, e të fillojmë që nga kjo rritje ekonomike pensionistët të përfitojnë.
Që kur rritja ekonomike e parashikuar dhe të ardhurat të kapërxehen, atëhere për çdo përqindje të rritjes ekonomike që është mbi parashikimin, atëherë pensionistët të jenë përfituesit e parë”, deklaroi kryeministri Rama.
