Kryeministri Edi Rama ndodhet në Gjermani, aty ku po mbahet takimi i radhës në kuadër të 10-vjetorit të Samitit të Berlinit.
Në nisje të takimit, ashtu siç e parashikon dhe agjenda është mbajtur edhe fotoja familjare e takimit. Siç shihet në videon e publikuar nga Kryeministria, Rama shfaqet krah kryetares së Komisionit Europian, Ursula Von del Leyen, i cili diçka i shpjegon me shumë frymëzim.
Nga ana tjetër, gjatë kësaj fotoje, shihet edhe një detaj ku Rama ndal homologun e tij shqiptar, kryeministrin e Kosovës, Albin Kurti dhe e afron për një bashkëbisedim me kryeministrin e Hungarisë, Viktor Orban.
Ky takim në Berlin, pritet të jetë i rëndësishëm për vendet për shkak se është parashikuar nënshkrimi i një deklarate të përbashkët që në fokus do të ketë një plan të ri veprimi për një treg të përbashkët rajonal. Gjithashtu, do të nënshkruhet një marrëveshje për rritjen e aksesit në institucionet e arsimit të lartë në rajon.
Poll
