Uji në Bulqizë është i përshtatshëm për përdorim. Të paktën kështu vlerëson Shërbimi i Epidemiologjisë në analizat e bëra. Kësisoj, sipas këtij rezultati zyrtar, helmimi masiv në Bulqizë nuk është shkaktuar nga uji i pijshëm. Analizat e Shërbimit të Epidemiologjisë përjashtojnë mundësinë që helmimi i qytetarëve të ketë ndodhur për shkak të kontaminimit të ujit.
Nga raporti i këtij institucioni thuhet se në mostrat e marra në 7 vende të ndryshme dhe të analizuara mikrobiologjikisht nuk ka rezultuar të ketë ndotje bakterologjike. Këto analiza nuk japin përgjigje sidoqoftë se çfarë shkaktoi helmimin e mbi 100 personave që kanë shkuar gjatë fundjavës në spital për të marrë ndihmë mjekësore.
Poll
