Një ditë pasi regjistroi ’21 janarin’ SPAK do të thërrasë bashkëshoten dhe xhaxhanë e njërit prej 4 viktimave, Aleks Nikës.
Bashkëshortja e Aleks Nikës, Rajmonda Nika dhe xhaxhai i viktimës, Mark Nika janë thirrur nga SPAK të paraqiten në 22 korrik si kallëzues dhe për të dhënë detaje për hetimin.
Pas vendimit të Gjykatës së Lartë, SPAK vendosi të regjistrojë procedimin penal për çështjen ’21 janari’ për vrasje në rrethana cilësuese, shpërdorim detyre në bashkëpunim dhe veprime që pengojnë zbulimin e të vërtetës.
Si Gjykata e Lartë edhe SPAK përmend vendimin e Gjykatës Europiane që në nëntorin e vitit të kaluar, u shpreh se në hetimin e ngjarjes janë vërejtur mangësi të shumta të cilat ngritën dyshime se autoritetet ishin përpjekur ta devijonin apo të ndërhynin padrejtësisht, dhe se autoritetet duhet të vazhdojnë përpjekjet për zbardhjen e vdekjes së Aleks Nikës si dhe të identifikojnë e ndëshkojnë përgjegjësit./ Versus.al
