Procesi i rinumërimit të votave në Qarkun e Tiranës ka nxjerrë në pah manipulime dhe ndryshime mes votave të regjistruara në kutitë e votimit dhe atyre në procesverbalë, sidomos brenda listave preferenciale të kandidatëve.
Në listën e Partisë Demokratike, Ilir Alimehmeti pretendonte se disa nga votat e tij ishin zhvendosur te kandidatë të tjerë, por rinumërimi tregoi se ai rezultonte me 22 vota më shumë në procesverbal sesa në kuti.
Kandidatë të tjerë demokratë si Petrit Gjorgji (+46 vota), Besim Kuka (+20 vota), Edit Harxhi (+15 vota) dhe Ilir Meta (+19 vota) gjithashtu kishin më shumë vota në procesverbalë se në kuti.
Në të njëjtën kohë, Jorida Tabaku, rivalja e Alimehmetit, rezulton me 13 vota më pak në procesverbalë sesa në kuti.
Ndër kandidatët demokratë me më shumë humbje votash janë Asllan Dogjani (-16), Salvador Kaçaj (-17) dhe Ilda Zhulali (-13).
Nga ana e Partisë Socialiste, Kejsi Elezi ka 80 vota më shumë në procesverbalë sesa në kuti, ndërsa Fatmir Xhafaj ka 61 vota shtesë.
Në garën e listës së hapur të PS-së, Blerina Gjylameti dhe Olta Xhaçka vazhdojnë konkurrencën, me Xhaçkën që ruan mandatin e deputetes, duke pasur vetëm 12 vota më shumë në procesverbalë krahasuar me kutinë, ndërsa Gjylameti ka 2 vota më pak.
Kandidatët socialiste më të “humbur” në numërim janë Mimi Kodheli me -42 vota dhe Erion Braç me -8 vota./Versus.al
