Momente të frikshme, por me një fund të lumtur, janë regjistruar në Bogota të Kolumbisë, ku një fëmijë vetëm 2 vjeç ka rënë nga kati i katërt i një pallati, por është shpëtuar mrekullisht nga banorët e zonës.
Sipas pamjeve që po qarkullojnë gjerësisht në rrjet, vogëlushi ndodhej pranë dritares së apartamentit kur humbi ekuilibrin dhe rrëshqiti nga ndërtesa.
Pak çaste para rënies tragjike, banorët kishin kuptuar rrezikun dhe u mblodhën menjëherë poshtë pallatit. Ata improvizuan një lloj “rrjete sigurie” duke mbajtur batanije dhe rroba të shtrira, në përpjekje për të zbutur goditjen.
#IMPRESIONANTE. Niño de apenas dos años fue rescatado por vecinos del b/La Gaitana, en Suba (Bogotá), tras quedar suspendido de la fachada de un cuarto piso. Los residentes reaccionaron rápidamente improvisando una red con cobijas y chaquetas para amortiguar la caída del pequeño.… pic.twitter.com/RSU7s2jiEK
— Colombia Oscura (@ColombiaOscura) May 8, 2026
Në një video që po qarkullon në rrjet, shihet qartë momenti kur fëmija bie në boshllëk, por fatmirësisht del i padëmtuar falë reagimit të shpejtë të qytetarëve. Në video shihet momenti dramatik kur fëmija bie papritur, ndërsa banorët arrijnë ta presin dhe t’i shpëtojnë jetën.
Ngjarja ka shkaktuar zemërim të madh për shkak të neglizhencës së dyshuar nga kujdestarët e fëmijës dhe tashmë po hetohet nga Instituti Kolumbian për Mirëqenien Familjare (ICBF) dhe Policia për Fëmijët dhe Adoleshentët. Ngjarja po ashtu ka shkaktuar emocione të forta në rrjetet sociale, ku shumë persona kanë përgëzuar reagimin e shpejtë dhe solidaritetin e qytetarëve.
