Pas përfundimit të aventurës së tyre në spektaklin Ferma VIP, duket se lidhja mes Olës dhe Adionit po vazhdon edhe jashtë kamerave, duke ngjallur gjithnjë e më shumë kuriozitet te publiku.
Postimet e fundit në rrjetet sociale të Olës kanë tërhequr vëmendjen e ndjekësve, ku çifti shfaqet në momente të afërta dhe të përqafuara, duke lënë të kuptohet se marrëdhënia e tyre është forcuar pas daljes nga reality show.
Për më tepër, një tjetër detaj që ka ndezur spekulimet është një takim i ngrohtë i Adionit me familjarët e Olës, çka për shumë ndjekës është parë si një hap i rëndësishëm drejt konsolidimit të lidhjes.
Edhe pse asnjëri prej tyre nuk ka konfirmuar publikisht plane për fejesë, komentet në rrjete sociale nuk kanë munguar, me fansat që pyesin nëse një hap më serioz mes tyre është vetëm çështje kohe.
Për momentin, çifti po shijon vëmendjen dhe mbështetjen e publikut, ndërsa mbetet për t’u parë nëse kjo histori dashurie do të marrë një kthesë më zyrtare në ditët apo muajt në vijim.
