Eksperti i Kriminalistikës, Ervin Karamuço ka bërë një deklaratë të fortë duke thënë se një prej anëtarëve të bandës kryesore në veri të vendit, po bashkëpunon me drejtësinë.
Në “Top Story”, Karamuço tha se pritet që ai të flasë edhe me emra politikanësh të cilët janë të përfshirë në afera kriminale. Por shtoi se ky fakt po mbahet sekret nga SPAK derisa të vërtetohet gatishmëria e anëtarit të bandës për t’u rrëfyer.
“Dhurata më e madhe nga ndërkombëtarët që kemi marrë për të provuar lidhjet e krimit e politikës, janë përgjimet e SKYECC. Kam informacione që së fundmi një prej anëtarëve të bandat, i veriut, po kthehet në të penduar të drejtësisë për të folur jo vetëm për politikanë të veriut të lidhur me krimin, por edhe politikanë qendrorë. Nivel kryesor është, në grupet kriminale, por po mbahen sekrete deri sa të vërtetohet”, deklaroi Karamuço. Versus.al
