Arkëmorti me trupin e pajetë të kryepeshkopit ortodoks Anastas Janullatos niset nga Athina drejt Shqipërisë dhe mësohet se do të mbërrijë në Tiranë ditën e nesërme rreth orës 16:00.
Makina me trupin e pajetë të Janullatosit do të shoqërohet nga mitropoliti i Fierit dhe Apolonisë, Nikolaos.
Mësohet se arkëmorti i kryepeshkopit do të ndalojë në fshatrat minitoritarë, ndërsa pala greke ka organizuar një ceremoni shtetërore në pikën kufitare të Kakavijës.
Varrimi i Janullatosit do të bëhet të enjten në Tiranë, aty ku vetë ai e kishte zgjedhur të prehet. Kryepeshkopi ndërroi jetë të shtunën në një spital të Athinës ku ishte shtruar prej 3 janarit. Shkak për ndarjen nga jeta në moshën 95 vjeçare u bë mosfunksionimi i shumë organeve të trupit të tij. Versus.al
