Dy persona janë ekstraduar nga Gjermania dhe Italia pasi rezultonin të shpallur në kërkim ndërkombëtar për vepra penale.
18 vjeçari Flavio Mërkuri është dënuar nga gjykata e Tiranës me 2 vite e gjysmë burg nën akuzën e vjedhjes me dhunë të mbetur në tentativë. I riu së bashku me vëllain e tij dhe 2 persona të tjerë të gjithë të mitur, kanë tentuar t’i marrin para një të mituri tjetër duke e kërcënuar me thikë.
Ndërsa 50 vjeçari Ilia Ndoka ishte shpallur në kërkim pasi GJKKO i kishte vcaktuar masën e sigurisë “arrest me burg” për vepra të rënda penale si pastrimi i parave pjesëmarrja në grupin kriminal të ish-deputetit të PS, Arben Ndoka në planin për vrasjen e Durim Bamit. 50 vjeçari ishte shpallur në kërkim me urdhër të SPAK në kuadër të operacionit "Revanshi". Versus.al
