Një ngjarje e rëndë është regjistruar pasditen e kësaj të hëne në Liqeni i Ulzës, ku një 37-vjeçar nga Laç dyshohet se ka humbur jetën pasi ra në ujë nga mjeti lundrues që drejtonte.
Sipas informacionit paraprak të policisë, rreth orës 18:20, shtetasi me inicialet A.Z. ka humbur kontrollin mbi mjetin lundrues teksa lëvizte në liqen dhe ka rënë në ujë. Më pas, në përpjekje për të kapur sërish mjetin, ai dyshohet se është mbytur.
Menjëherë pas njoftimit, në zonë janë angazhuar polumbarët e RENEA, të cilët po zhvillojnë kërkime intensive për gjetjen e trupit të 37-vjeçarit.
Ndërkohë, shërbimet e Komisariati i Policisë Mat dhe grupi hetimor ndodhen në vendngjarje, ku po kryejnë veprimet procedurale dhe po punojnë për zbardhjen e plotë të rrethanave të ngjarjes.
Kërkimet vijojnë, ndërsa autoritetet pritet të japin detaje të tjera në orët në vijim.
Mat / Informacion paraprak
Rreth orës 18:20, Salla Operative e Komisariatit të Policisë Mat ka marrë njoftim se shtetasi A. Z., 37 vjeç, banues në Laç, dyshohet se, duke drejtuar një mjet lundrues në liqenin e Ulzës, ka humbur kontrollin mbi drejtimin e tij dhe ka rënë në ujë. Më pas, në tentativë për të kapur sërish mjetin lundrues, dyshohet se është mbytur.
Janë njoftuar polumbarët e RENEA-s, për gjetjen e 37-vjeçarit, ndërsa shërbimet e Komisariatit të Policisë Mat, së bashku me grupin hetimor, ndodhen në vendngjarje dhe po punojnë për sqarimin e plotë të rrethanave të ngjarjes.
