Prokuroria e Posaçme ka shtyrë sërish me 3 muaj hetimet për ish-zv.kryeministrin Arben Ahmetajn. Pas shtyrjes së hetimeve 3 muaj më parë, është vendosur që të marrë sërish kohë deri në shtator të hetojë dosjen e tij.
Argumenti që jep SPAK, është se ende nuk kanë mbërritur letërporositë e dërguara drejt Zvicrës me anë të të cilave organi i akuzës ka kërkuar informacione mbi Ahmetajn i cili ka kërkuar azil politik në këtë shtet.
Ahmetaj hetohet me masë sigurie në mungesë lidhur me akuzën e korrupsionit, pastrimit të parave dhe fshehjes së pasurisë për dosjen e inceneratoreve. Të pandehur për këtë çështje, SPAK ka marrë edhe ish-bashkëshorten dhe bashkëjestuesen e Ahmetajt që akuzohen për pastrim parash, ndërsa javë vënë nën sekuestro edhe disa pasuri. Kjo është hera e katërt që SPAK shtyn hetimet ndaj ish-zyrtarit dhe tashmë si datë e përfundimit të tyre mbetet data 23 shtatori.
-
Ergys Agasi dhe hijet mbi drejtësinë: Pse është i paprekshëm nga SPAK?
20 Qershor, 19:16
Ndërkohë Ahmetaj është në arrati prej korrikut të vitit 2023 dhe ka dhënë disa intervista me anë të të cilave sulmon kryeministrin Edi Rama të cilin e quan "kreun e organizatës kriminale". Ish-bashkëpunëtori më i ngushtë i Ramës thotë se kryeministri i jep direktiva Ergys Agasit mbi grupet kriminale të cilat sipas tij përdoren për të siguruar vota. Ahmetaj ka mohuar akuzat e SPAK duke thënë se bëhet fjalë për përndjekje politike me urdhër të Ramës. Versus.al
