Itali- Guardia di Financia pas shërbimeve të kontrollit territorial për të luftuar trafikun e drogës ka arrestuar një shqiptar në bregun e Formais dhe i sekuestroi rreth 20 gram kokaine e ndara në doza e gatshme për tu shpërndarë në treg.
Sipas mediave italiane shqiptari jetonte një residence disa metra larg plazhit të "Gianola", i cili me ndihmën e një biçiklete elektrike shpërndante mallin tek klientët.
Falë qenit nuhatës të lëndëve narkotike ‘Jessy’ pas kontrollit në apartamentin e tij u zbuluan të paktën 30 doza kokainë, por ajo që ra në sy ishte shuma e valutës cash, plotë 10 mijë euro, që dyshohet se kanë ardhur nga aktiviteti i trafikut të paligjshëm.
Prokuroria e Cassino urdhëroi arrestimin e të riut, informon media italiane.
Por gjyqtari për Hetimet Paraprake, në bazë të provave të mbledhura, ka vërtetuar arrestin dhe masën reale të sekuestrimit të pasurisë, duke urdhëruar të dyshuarin t'i nënshtrohet masës së sigurimit detyrimin për t'u paraqitur çdo ditë në policinë gjyqësore./Versus.al
