Edhe për javën që vjen, dielli do të jetë prezent gjatë gjithë ditëve.
Pavarësisht se temperaturat kanë pësuar një rënie, sërish ato janë më të larta se mesatarja e zakonshme e stinës.
Shërbimi Meteorologjik Ushtarak ka bërë parashikimin për javën që vjen:
Aktiviteti masave ajrore të thata me origjinë perëndimore do të bëjë që vendi ynë edhe për këtë javë të vijojë me kushte atmosferike të qëndrueshme.
Moti parashikohet i kthjellët dhe vranësirat kalimtare.
Era për pjesën më të madhe të ditëve do të fryjë e lehtë me drejtim kryesor verilindje-veriperëndim dhe shpejtësi mesatare 2-7 m/s ndërsa në lugina, male e përgjatë vijës bregdetare hera-herës do të fitojë shpejtësi 7-15m/s.
Valëzimi në dete do të jetë i forcës 1-3ballë.
Mjegulla e dendur lokale dhe mjegullina do të jetë prezente në orët e para të ditës kryesisht në zonat luginore.
