Tiranë- Policia ka dalë me një njoftim zyrtar lidhur me ngjarjen e ndodhur paraditen e djeshme në Kamëz në rrugën “OSBE’ ku dy persona dhunuan me sende të forta 38 vjeçarin R.V duke e lënë të plagosur.
Në kërkim janë shpallur dy kushërinjtë Mario Boja 26 vjeç dhe Ersion Boja, 30 vjeç të cilët rreth orës 10:00 i kanë prerë rrugën 38 vjeçarit pas një sherri banal dhe më pas e kanë dhunuar me sende të forta duke i shkaktuar dëmtime.
I plagosuri mori mjekim dhe tanimë është jashtë rrezikut për jetën. Gjatë kontrollit në shtëpinë e 26 vjeçarit që u përfshi në sherr, u gjetën 1 pistoletë me leje dhe një sasi municioni luftarak që u sekuestruan në cilësinë e provës materiale.
Autorët janë shpallur në kërkim. Materialet procedurale iu referuan Prokurorisë së Tiranës, për veprime të mëtejshme. Versus.al
