Seanca e radhës për dosje e ‘Sterilizimit’ ku i pandehur është edh eish-ministri i Shëndetësisë, Ilir Beqaj është shtyrë më 3 tetor në orën 09:00.
Arsyeja ishte seanca shumë e tejzgjatur dhe mosarritja që të ezaurohej leximi I akteve nga SPAK.
Ndërsa ish-ministri Beqaj gjatë seancës ngrti pretendimin që ka ta bëjë me thirrjen e tij në fillim të tetorit, në në Komisionin Hetimor Parlamentar të ngritur për çështjen e sterilizimit.
Ilir Beqaj: Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen SASPAC), sa kohë do më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet një pjesë e të cilave përbëjnë sekret hetimor, dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës.
Togat e zeza thanë se mbrojtja e Beqajt duhej ta paraqiste një kërkesë të tillë zyrtarisht që gjykata të dalë me një vendimmarrje rreth pretendimit të ish-ministrit.
Çështja e “Sterilizimit” ka ngecur në seancë paraprake për shkak të dosjes voluminoze e ku mbrojtja ka kërkuar që SPAK ta lexojë në gjyq çdo akt, duke ngadalësuar kështu procesin.
Për dosjen e “Sterilizimit”, Beqaj akuzohet për shpërdorim detyre ndërsa u la në masën detyrim paraqitje./Versus.al
