Detaje të reja kanë dalë për sa i përket ngjarjes së rëndë të ndodhur në një lokal në Tiranë, ku motrat Berisha masakruan në fytyrë me shishe qelqi blogeren Klea Prenga, teksa po darkonte.
Antonela dhe Mariela Berisha u shpallën në kërkim menjëherë pas denoncimit të rastit nga Klea, ndonëse ende nuk është rënë në gjurmë të tyre.
Sipas informacioneve policia ka sekuestruar dy automjetet e autoreve të sulmit, njëri është përdorur gjatë natës së ngjarjes dhe tjetri, pas dhunimit brutal të blogeres.
Zyrtarisht, sipas TIMS, ish-banorja e BBV dhe e motra nuk janë larguar jashtë vendit.
Prokurori ka nxjerrë urdhër ndalimet për akuzën e plagosjes së rëndë në bashkëpunim.
Ngjarja e rëndë ku Antonela dhe Mariela Berisha dhunuan Klea Prengën, pasi siç është shprehur kjo e fundit është akuzuar nga motrat se ka ndërhyrë në familje, ka shkaktuar shumë diskutime dhe polemika.
/ Versus.al
