Stuhia që ka përfshirë gjithë vendin ka shkaktuar dhe aksidente rrugore me pasojë dhe jetën.
Për shkak të lagështirës në rrugë raportohet se 1 person ka humbur jetën ndërsa 6 të tjerë janë plagosur.
Bëhet fjalë për një aksident automobilistik në Bulqizë, në aksin rrugor Ura e Cerenecit-Librazhd.
Sipas informacioneve paraprake, një makinë “fuoristradë” ka humbur kontrollin dhe ka rënë në greminë.
Për pasojë, një person raportohet se ka ndërruar jetë ndërsa dy të tjerë kanë mbetur të plagosur.
Një aksident tjetër i rëndë është rregjistruar gjatë pasdites së sotme në fshatin Dragot të bashkisë së Belshit.
Burime nga vendngjarja bëjnë ne dije se aksidenti ndodhi në aksin Belesh -Kuçovë në fshatin Dragot, ku drejtuesi i mjetit , ka humbur kontrollin dhe ka dalë nga rruga.
Në automjetin në fjalë ishin pasagjerë edhe shtetasit Saimir Kamberaj dhe Paula Mema. Kjo e fundit ka pësuar dëmtime në kokë dhe është transportuar me urgjencë për në spitalin e rrethit të Beratit dhe më pas për në Spitalin e Traumës në Tiranë .
Ndërkohë një aksident tjetër si pasojë e lagështirës në rrugë ka ndodhur në afërsi të fshatit Lapardha, në Vlorë. Një automjet (Toyota) ka humbur kontrollin dhe ka dalë nga rruga.
Automjeti ka pësuar dëmtime të shumta, ndërsa drejtuesi i tij ka marrë lëndime të lehta. Ai është dërguar në Spitalin e Vlorës për të marrë ndihmën mjekësore.
Ndërsa Policia e Shtetit u bën thirrje drejtuesve të mjeteve që të kenë kujdes me shpejtësinë dhe të respektojnë sinjalistikën rrugore.
Drejtuesit e motomjeteve, biçikletave dhe monopatinave: Të veshin jelek fosforeshent gjatë natës për të shmangur përfshirjen në ngjarje rrugore.
Ndërsa këmbësorët të tregojnë kujdes maksimal kur kalojnë nga njëri kah i rrugës në tjetrin.
Njoftimi i Policisë së Shtetit:
Nisur nga moti i keq, me reshje të dendura shiu dhe erë të fortë, Policia Rrugore apelon për:
Kujdes maksimal për përdoruesit e rrugës:
Moderoni shpejtësinë, pasi në disa akse rrugore ka prezencë të ujit;
Jepini përparësi këmbësorëve dhe respektoni sinjalistikën rrugore;
Mos përdorni telefonin gjatë drejtimit të mjetit dhe vendosni rripin e sigurimit;
Mos kryeni parakalime të gabuara.
Drejtuesit e motomjeteve, biçikletave dhe monopatinave: Të veshin jelek fosforeshent gjatë natës për të shmangur përfshirjen në ngjarje rrugore.
Këmbësorët: Të tregojnë kujdes maksimal kur kalojnë nga njëri kah i rrugës në tjetrin.
Policia Rrugore është në detyrë për të parandaluar ngjarjet rrugore dhe për t’ju ardhur në ndihmë përdoruesve të rrugës në nevojë.
Kontributi i të gjithëve është thelbësor për të shmangur aksidentet dhe për të eliminuar vonesat në trafik.
Për çdo problematikë që lidhet me punën e Policisë, telefononi në numrin pa pagesë 112./Versus.al
