Shkodër- Detaje të reja janë zbardhur nga pista e hetimit për vrasjen e ndodhur ditën e djeshme në fshatin Dragoç ku i riu Ramazan Mataj u ekzekutua brenda mjetit të tij “Benz”.
Dyshohet se ekzekutimi është kryer nga një person i vetëm i cili i kishte ngritur pritë të riut dhe ka zbrazur drejt tij 29 plumba. Autori është ulur në tokë dhe ka qëlluar fillimisht nga njëri krah i automjetit.
Ngjarja dyshohet se lidhet me një histori dashurie të mëparshme të 33 vjeçarit të ndjerë i cili punonte në ndërtim në Ulqin. I gjithë atentati ndodhi rreth 1.2 kilometra larg shtëpisë së viktimës i cili para një viti ishte kthyer nga Belgjika.
I riu nuk përshkruhej si person problematik, ndërsa i ati tha se 33 vjeçari nuk kishte pasur asnjë konflikt me askënd dhe se nuk e di arsyen që mund të ketë sjellë fundin tragjik të djalit të tij.
Grupi hetimor, po vijon hetimet për zbardhjen e plotë të motiveve dhe rrethanave që sollën ngjarjen e rëndë. Versus.al
