Motrat Giovanna dhe Alda Nikolli kanë reaguar përsëri nëpërmjet rrjeteve sociale lidhur me kontrollin që SPAK ushtroi në banesën e tyre dhe të prindërve disa ditë më parë, duke hedhur akuza ndaj Prokurorisë së Posaçme për mashtrim dhe kërcënime.
Alda Nikolli është shprehur se janë ndaluar nga oficerët e policisë në aeroport teksa ishin nisur për në Spanjë ndërsa janë ndarë në dy dhoma të veçanta ku janë kontrolluar imtësisht nëse me vete kishin apo jo eksploziv.
Sipas asaj që motrat Nikolli kanë dëshmuar, hetuesit i kanë thënë Giovannës të mos largohet për një Spanjë, pasi motra e saj (Alda) ka planifikuar ta vrasë.
“Duke ikur në Spanjë, unë jam ndaluar së bashku me Xhovanën, më kanë bërë kontroll për eksploziv, më kanë futur në dhomë, më kanë kërkuar kodin e telefonit, gjë që unë e kundërshtova. Vjen hetuesja më thotë ‘pusho se ta kërcita". Nuk më ka prekur njëri me dorë as nuk më ka dhunuar askush.
Por, nuk më duket e drejtë fakti që të merret imë motër, Xhovana Nikolli të futet në një dhomë veç me mua dhe t’i thuhen teksutalisht fjalët ‘Mos ik në Spanjë se motra jote do të vrasi’. Kush do ta vrasi motrën time, kriminelat që po mbroni ju?
Po na shtypni ne duke u munduar të mbroni kriminelat. Detyra juaj është të zbardhnit ngjarjen dhe jo të vrisnit neve për së gjalli, dhe jo të ndanit një vajzë nga nëna e vet se ja arritët qëllimit.
Erdhën në shtëpi me kontroll, mandatin e kishin se e kemi firmosur. Ama në mandat nuk ishte e shkruar që të merret dhe të sekuestrohet telefoni i Xhovalin dhe Luljeta Nikolli. Për këtë arsye jam revoltuar dhe donin të më vendosnin prangat mua se jam unë ajo që kam grisur mandatin në sy të shefit. Dhe të më merrnin në SPAK mua, të kontrollohet telefoni për një orë dhe të më kthehen pas përsëri.
Do kthehem një vit më parë, kur kam shkuar në SPAK dhe kam treguar që jam në një lidhje me të burgosurin në fjalë. Më kanë thënë që nuk do të kesh asnjë komunikim me të. Kanë bërë bllok, kanë fshirë fotot me të dhe jam larguar.
Prap jam paraqit në SPAK, kur ndodhi ngjarja ikëm dhe bëmë denoncim. Ikëm dhe thamë që dyshojmë tek Nuredin Dumani, nuk thashë unë që e ka vendos Nuredin Dumani me dorën e vetë. Unë iu thashë gjejeni personin dhe nxirreni në shesh. Thatë që e bëmë për azil. Ktu jam unë, nuk kam lëviz kurrë më shumë se 3 ditë.
Nuk e kam të ndalaur me lëviz, me pas të dashur, me i ndërru të dashurit ‘pse ke 2, pse ke 3’, ku ka shtet në botë që të ndërhyn në privatësi.
Në jemi ktu, nuk do lëvizim. Ne nuk na ka ardhur ndonjë akuzë. Nuk kemi dalë në emisione sepse e kemi të ndaluar. Unë dola në intervistë se kisha frikë. E di gjithë bota si funskionon. Mua nuk më mbrojti shteti. Shteti është duke na rënduar sa më shumë.”
Motrat Nikolli janë nën hetim nga drejtësia lidhur me ngjarjen e rëndë të ndodhur në korrik të vitit të kaluar, ku pas shpërthimit të një eksplozivi të vendosur në një apartament në Elbasan ku banonin me qira motrat Nikolli, humb jetën fqinji i tyre Enea Themollari.
Në një dalje televizive të Alda Nikollit në atë kohë, ajo drejtoi gishtin nga vrasësi me pagesë, Nuredin Dumani, njëkohësisht dhe ish i dashuri i saj. Kujtojmë që Giovanna Nikolli njihet gjithashtu si e dashura e vrasësit me pagesë, Amarildo Nikolli Xhanaj, tashmë i arrestuar dhe i kthyer në bashkëpunëtorin e drejtësisë.
