Tiranë- Emanuel Buçi është autori i plagosjes me armë zjarri të ndodhur ditën e djeshme në Kamëz pas sherrit për një vend parkimi.
23 vjeçari tashmë është shpallur në kërkim. Forcat e policisë vijojnë kontrollet pranë gjithë zonës dhe banesës së autorit me qëllim kapjen e tij.
Ndërkohë, 29 vjeçari Mikel Xhetani ndodhet në spital ku po merr ndihmën e nevojshme mjekësore pasi mbeti i plagosur në këmbë. Sherri mes tyre nisi pas konfliktit për vendin e parkimit të makinës, ndërsa fatmirësisht nuk përfundoi në fatalitet.
"Si rezultat e një pune të mirëorganizuar, të kryer nga Sektori për Hetimin e Krimeve të Rënda në bashkëpunim me Komisariatin Nr. 5, nën drejtimin e Prokurorisë, u bë i mundur identifikimi i autorit të dyshuar shtetasit Emanuel Buçi, 23 vjeç, i cili dyshohet se për motive të dobëta, ka plagosur me armë zjarri, shtetasin M. Xh., 29 vjeç. Shërbimet e Policisë vijojnë ende kontrollet në të gjithë zonën me qëllim lokalizimin, kapjen dhe vënia në pranga të autorit dhe dokumentimin e plotë ligjor të ngjarjes"- njofton policia.
Ngjarja ka rritur pasigurinë në rrugë për shkak të lehtësisë me të cilën persona të ndryshëm, qarkullojnë me armë zjarri. Versus.al
