Avokati mbrojtës i Safet Bajrit ka përgënjeshtruar lajmin se klienti i tij është ndaluar në Lezhë nga policia dhe më pas është kaluar në drejtorinë e Shkodrës në lidhje me një ngjarje të regjistruar ditë më parë në Vaun e Dejës.
Në reagimin e tij avokati Sokol Tahiraj shprehet se Bajri është shoqëruar vetëm për një verifikim dhe më pas është lënë i lirë.
Tahiraj thekson më tej se ndalimi i klientit të tij nuk ka lidhje as me atentatin, as me shënjestrën e atentatit dhe më asnjë person të përfshirë në këtë atentat.
Reagimi i avokatit të Safet Bajrit:
Dua të theksoj se Safet Bajri nuk ka lidhje as me atentatin as me shënjestren e atentatit dhe me asnjë person të përfshirë në këtë atentat. E përgenjeshtroj lajmin me qellim mos përbaltjen e emrit të klientit tim./Versus.al
