Ka përfunduar dëshminë e tij në SPAK, Zabit Deda njëri prej vëllezërve të protestuesit të vrarë më 21 janar 2011, Hekuran Deda.
Në dalje ai u pyet nga gazetarët lidhur me dëshminë e tij dhe tha se u ishte përgjigjur të gjitha pyetjeve të bëra nga hetuesit. Ndërsa deklaroi se edhe vëllezërit e tjerë do të paraqiten në organin e akuzës për të dëshmuar lidhur me ngjarjen e ndodhur ku u vra vëllai i tyre dhe 3 protestues të tjerë.
Pjesë nga pyetjet ndaj Zabit Dedës:
Gazetarët: Çfarë ju pyetën në SPAK?
Zabit Deda: Ato që na i kërkuan, i thamë
Gazetarët: A keni besim se kjo ngjarje do të zbardhet?
Zabit Deda: Po, shpresojmë se do zbardhet.
Gazetarët; Kishte përparuar SPAK me hetimet?
Zabit Deda; Po
Gazetarët: Janë pyetur vëllezër të tjerë, kur do të paraqiten?
Zabit Deda: Po, të gjithë do të dëshmojnë, do t’i shihni në vazhdim. Versus.al
