Një valë ndryshimesh dhe largimesh ka goditur Komisariatin Nr.2 në Tiranë, vetëm dy ditë pas arrestimit të ish-efektivit të RENEA-s nga forcat e këtij komisariati.
Shefi i sektorit të krimeve është transferuar në një pozicion tjetër, ndërsa shefi i përgjithshëm i komisariatit ka shprehur dëshirën për t’u dorëhequar nga detyra, shkruan Voxneës.
Megjithatë, Policia e Shtetit ende nuk ka dhënë një konfirmim zyrtar për këto lëvizje, por ngjarjet që ndodhin menjëherë pas arrestimit të Morinës kanë ngritur dyshime për lidhjen e tyre me këtë situatë. Për më tepër, është raportuar se Agjencia e Mbikëqyrjes Policore ka filluar hetimet për të shqyrtuar këtë çështje.
Altin Morina, ish-efektivi i RENEA-s i shpallur në kërkim nga SPAK më 17 Maj 2024,u arrestuar një javë më parë në Tiranë. Në momentin e arrestimit atij u gjetën një armë dhe dokumente false. Ai ishte shpallur në kërkim në kuadër të operacion “Revanshi” pasi akuzohet si bashkëpunëtor i Durim Bamit në kultivimin e kanabisit në zonën e Niklës dhe Tapizës./Versus.al
