Kolumbi- Një 44 vjeçar shqiptar i identifikuar si Artur Tushi është ekzekutuar me armë zjarri në qendrën tregtare Santa Fe ditën e djeshme.
Mediat kolumbiane shkruajnë se shqiptari kishte edhe shtetësi ekuadoriane. Ndërsa është arrestuar vrasësi i cili po qarkullonte me një motor. Duke e cilësuar ngjarjen si vrasje me pagesë, mediat theksojnë se janë sekuestruar arma e zjarrit dhe motori, ndërsa ka mbetur e plagosur edhe një grua që shoqëronte shqiptarin.
Sipas raportimeve, vrasësi nga Venezuela e kishte ndalur shqiptarin dhe pasi e kishte pyetur për emrin, e kishte qëlluar.
Në artikull thuhet se mundet që shkak për këtë ekzekutim me pagesë të jenë bërë konfliktet në trafikun e drogës. Grupet shqiptare së fundmi janë shfaqur si faktor kryesor në operacionet e trafikut të drogës nga Amerika Latine drejt Evropës. Versus.al
