AKTUALITET /

VIDEO/ Stuhia godet Shqipërinë! Era shkul pemë në Tiranë, përmbytje në Lezhë e Durrës, kaos në Vlorë

Stuhia tropikale e paralajmëruar për sot ka goditur me forcë disa qytete të Shqipërisë, duke shkaktuar dëme materiale dhe probleme të shumta në qarkullim.

Shkruar nga Versus

VIDEO/ Stuhia godet Shqipërinë! Era shkul pemë në

Stuhia tropikale e paralajmëruar për sot ka goditur me forcë disa qytete të Shqipërisë, duke shkaktuar dëme materiale dhe probleme të shumta në qarkullim.

Në Tiranë, era e fortë ka shkulur pemë në disa zona të kryeqytetit, duke bllokuar rrugët dhe qarkullimin.

Po ashtu, objekte të jashtme si çadra e karrige janë rrëzuar, ndërsa janë regjistruar edhe dëmtime në fasada dhe grila dritaresh.

Në Lezhë, reshjet e dendura kanë shkaktuar përmbytje në bulevardin “Gjergj Fishta” dhe në bllokun e banimit “11 Janari” në lagjen Besëlidhja. Situata e rënduar ka sjellë probleme edhe në Shëngjin, ku disa zona kanë mbetur pa energji elektrike.

Durrësi është përfshirë gjithashtu nga një stuhi e fuqishme me shi dhe erë të fortë.

Rrugët e qytetit janë përmbytur, duke vështirësuar qarkullimin e automjeteve dhe këmbësorëve. Pushuesit janë detyruar të largohen nga plazhi dhe të kërkojnë strehim në ambiente të mbyllura.

Ndërkohë në Vlorë, erërat e forta kanë shkaktuar një stuhi rëre, duke mbuluar qytetin bregdetar dhe duke reduktuar dukshmërinë në rrugë. Trafiku është rënduar ndjeshëm, pasi shumë pushues janë larguar me shpejtësi nga qyteti.

Autoritetet po ndjekin situatën, ndërsa u bëhet apel qytetarëve të tregojnë kujdes dhe të shmangin lëvizjet e panevojshme deri në përmirësimin e kushteve atmosferike./Versus.al

 
 
 
 
 
View this post on Instagram
 
 
 
 
 
 
 
 
 
 
 

A post shared by Versus.al (@versusalbania)

 

Poll