Një zjarr i madh ka përfshirë pyllin me pisha në zonën e Darëzezës, duke shkaktuar shqetësim të madh te banorët dhe autoritetet lokale. Sipas informacioneve paraprake, aktualisht janë tri vatra aktive zjarri që po përhapen me shpejtësi për shkak të erës dhe temperaturave të larta.
Forcat zjarrfikëse janë në terren dhe po punojnë intensivisht për të vënë flakët nën kontroll, ndërsa situata mbetet e vështirë për shkak të terrenit të vështirë dhe përhapjes së shpejtë të zjarrit. Nuk raportohet për rrezik të menjëhershëm për banesat, por autoritetet u bëjnë thirrje qytetarëve të shmangin lëvizjet pranë zonës së pyllit.
Shkaqet e zjarrit janë ende të paqarta, ndërkohë që po hetohet nëse bëhet fjalë për një zjarrvënie të qëllimshme apo aksidentale./Versus.al
View this post on Instagram
