Ish-deputeti i Partisë Demokratike, Ervin Salianji i është drejtuar Gjykatës Kushtetuese me kërkesën për shfuqizimin e vendimit të dënimit me 1 vit burg për shpifje.
Ai ka kërkuar shfuqizimin e vendimeve të mëparshme të gjykatës së Apelit dhe të Lartë, teksa i ka konsideruar të papajtueshëm. Më 26 shtator ai u paraqit për herë të fundit në Shërbimin e Provës duke kryer plotësisht dënimin e dhënë nga gjykata.
Gjykata Kushtetuese ka regjistruar ankimin e tij më 5 nëntor, ndërsa i është caktuar si gjyqtare relatore, Mariana Semini.
Ish-ligjvënësi u lirua nga burgu në korrik të këtij viti pasi Gjykata e Fierit pranoi kërkesën për lirim me kusht në kushtet kur Salianji kishte kryer 9 muaj burg. Versus.al
Poll
