Barcelona do duhet të grumbullojë 100 milionë euro përpara 30 qershorit për të shmangur problemet serioze me La Ligën lidhur me regjistrimin e lojtarëve përfshirë edhe trajnerin e ri Hansi Flick dhe stafin e tij.
Për shkak të borxhit dhe shpenzimeve të mëdha, katalanasit nuk e kanë arritur ende rregullin për Fair Play Financiar në La Liga që do të thotë se nuk mund të nënshkruajnë me lojtarë të tjerë.
Së fundmi, klubi nënshkroi një marrëveshje me kompaninë gjermane “Libero” për të shitur 50 për qind të Barca Studios por investitorët nuk kanë paguar dhe vazhdojnë të ngecin me kalimin e kohës.
Sipas mediave spanjolle, prodhuesi i fanellave të Barcelonës, Nike, mund të jetë i gatshëm të sigurojë njëfarë shpëtimi financiar duke dhënë 100 milionë euro në arkat e klubit përpara afatit.
Barça e gjen veten pothuajse në një situatë të dëshpëruar, prandaj oferta e Nike do të ishte e shkëlqyer.
Nike do të ndërhynte vetëm nëse e lidhin Barcelonën me një kontratë 10-vjeçare. Kompania e veshjeve sportive është e vetëdijshme se Blaugranat po planifikojnë të nënshkruajnë me Puma-n. Versus.al
