Sicc dhe duket aleati i tij më i ngushtë Vladimir Putini po e tradhëton presidentin sirian tashmë në arrati, Bashar Assad.
Pasi regjimi 61-vjeçar Baath në Siri u shemb një imazh i jashtëzakonshëm u regjistrua në kryeqytetin rus, Moskë.
Flamuri i regjimit Baath është hequr në ambasadën siriane në Moskë, siç shihet në fotot e më poshtme.
Ndërkohë që forcat e regjimit të Bashar Assadit u tërhoqën vendodhja e tij ende nuk është e qartë një deklaratë erdhi nga ministria e Punëve të Jashte ruse në të cilën shkruhej: Assad vendosi të largohej nga vendi dhe udhëzoi të transferonte pushtetin në mënyrë paqësore.
Gjithashtu në deklaratë thuhej se pala ruse është në kontakt me të gjitha forcat opozitare në Siri dhe duke theksuar: Megjithatë, ne u bëjmë thirrje të gjitha palëve relevante që të ndalojnë përdorimin e dhunës dhe të zgjidhin të gjitha problemet politikisht.
Siç dhe duket Rusia tashmë ka braktisur aleatin e tij më të ngushtë, Assad dhe po ndërvepron me të gjitha forcat opozitare në Siri dhe bëri thirrje për respektimin e pikëpamjeve të të gjitha forcave etnike dhe fetare në Siri.
Deklarata vuri në dukje gjithashtu se bazat ushtarake ruse në Siri janë në një "gjendje të lartë gatishmërie" dhe thuhet se nuk ka asnjë kërcënim serioz për sigurinë e këtyre bazave dhe se janë marrë të gjitha masat e nevojshme për të garantuar sigurinë e jetës së qytetarëve rusë në Siri.
Partia Socialiste Arabe Baath erdhi në pushtet në Siri përmes një grushti shteti në vitin 1963. Babai i Bashar Assad, Hafez Assad, mori pushtetin në një grusht shteti brenda partisë në vitin 1970 dhe u bë President i Sirisë në 1971.
Bashar Assad u bë kreu i regjimit Baath në vitin 2000 pas vdekjes së babait të tij.
Pas përleshjeve që u intensifikuan në Siri më 27 nëntor, Bashar Assad humbi kontrollin në shumë rajone, duke filluar nga Alepo, Idlibi dhe Hama. Më në fund, me daljen e njerëzve në rrugë në kryeqytetin Damask, forcat e regjimit filluan të tërhiqen nga institucionet publike dhe rrugët, ndërsa forcat rebele kundër regjimit rritën kontrollin e tyre në qendër të qytetit. 61 vjet të regjimit të përgjakshëm Baath dhe 53 vjet të sundimit të familjes Assad siç dhe duket tashmë kanë përfunduar./Versus.al
