Presidenti i SHBA-ve, Donald Trump gjatë një konference me kryeministrin izraelit Benjamin Netanyahu në Shtëpinë e Bardhë, njoftoi se ky i fundit kishte pranuar planin e propozuar prej tij për të arritur paqe brenda 72 orësh në Gaza.
Sipas Trump tashmë duhet që edhe Hamasi të bie dakord me planin dhe të nisë zbatimi i tij.
Më tej ,Trump deklaroi se do të kryesojë një ‘’Bord të paqes’’, nder që i është kërkuar nga vendet arabe si një autoritet kalimtar për të mbikëqyrur rindërtimin e Gazës sapo lufta të përfundojë.
Trump tha se nuk ishte vendimi i tij për të drejtuar këtë bord. “Më besoni, jam shumë i zënë”, tha ai. Por nga ana tjetër, ishte dakord me këtë gjithsesi.
“Udhëheqësit e botës arabe dhe të Izraelit dhe të gjithë të përfshirët më kërkuan ta bëja këtë”, tha ai.
Një dokument i publikuar nga Shtëpia e Bardhë më parë tha se bordi do të përfshinte krerë të tjerë shtetesh, si dhe ish-kryeministrin britanik Tony Blair, i cili luajti një rol të madh në zhvillimin e planit të ri dhe pritet që të ketë një funksion kryesor në mbajtjen nën kontroll të Gazës deri në rikthimin në normalitet. Versus.al
