Presidenti i SHBA-së, Donald Trump ka nisur një sulm të ri të ashpër ndaj Volodymyr Zelensky , duke e quajtur atë një "diktator pa zgjedhje".
Pak orë pas konferencës për shtyp në të cilën ai bëri thirrje për zgjedhje, Donald Trump, në një postim në Truth Social, përsëri i referohet ndihmës që SHBA i ka dhënë Kievit dhe qëndrimit të Zelenskit ndaj SHBA-së dhe se ku kanë përfunduar paratë amerikane.
Trump madje nis një sulm personal ndaj presidentit ukrainas, duke e cilësuar atë si një "komedian mediokër".
Në postimin e tij, Trump pretendon se Zelensky "bindi" Uashingtonin të shpenzonte 350 miliardë dollarë për një "luftë që nuk mund të fitohej" dhe akuzoi Biden për dështimin për të balancuar kontributet financiare të aleatëve.
Në të njëjtën kohë, ai përsëriti dyshimet e tij për menaxhimin e fondeve nga Kievi, duke pretenduar se Zelensky "pranoi se gjysma e parave që mori janë zhdukur".
''Mendoni për këtë: një komedian modestisht i suksesshëm, Volodymyr Zelenskyy, i bindi Shtetet e Bashkuara të Amerikës të shpenzojnë 350 miliardë dollarë për të hyrë në një luftë që nuk mund të fitohej, që kurrë nuk duhej të fillonte, por një luftë që ai, pa SHBA-në dhe “TRUMP-in”, nuk do të jetë kurrë në gjendje ta zgjidhë. Shtetet e Bashkuara kanë shpenzuar 200 miliardë dollarë më shumë se Evropa, dhe paratë e Evropës janë të garantuara, ndërsa Shtetet e Bashkuara nuk do të marrin asgjë mbrapsht. Pse 'Gjumashi' Joe Biden nuk kërkoi barazim, duke pasur parasysh që kjo luftë është shumë më e rëndësishme për Evropën sesa për ne — ne kemi një Oqean të madh e të bukur që na ndan.
Përveç kësaj, Zelenskyy pranon se gjysma e parave që i kemi dërguar janë “ZHDUKUR”. Ai refuzon të mbajë zgjedhje, ka mbështetje shumë të ulët në sondazhet e Ukrainës dhe e vetmja gjë që dinte të bënte mirë ishte të luante me Biden-in “si një violinë”. Një diktator pazgjedhje, Zelenskyy duhet të lëvizë shpejt ose nuk do t’i mbetet një vend.
Ndërkohë, ne jemi duke negociuar me sukses për t’i dhënë fund luftës me Rusinë, diçka që të gjithë pranojnë se vetëm “TRUMP” dhe administrata e Trump-it mund ta bëjnë. Biden nuk u përpoq kurrë, Evropa ka dështuar të sjellë paqe dhe Zelenskyy ndoshta dëshiron ta mbajë “trenin e parasë” në lëvizje. Unë e dua Ukrainën, por Zelenskyy ka bërë një punë të tmerrshme, vendi i tij është i shkatërruar dhe MILIONA njerëz kanë vdekur pa nevojë – dhe kështu vazhdon…' shkruan Trump në postimi e tij./Versus.al
