SHBA- Presidenti Joe Biden pritet të nënshkruajë një urdhër ekzekutiv javën e ardhshme për të frenuar migracionin përgjatë kufirit jugor të SHBA-së me Meksikën.
Urdhri i Biden-it ka të ngjarë të mbyllë kërkesat për azil dhe t'u refuzojë hyrjen migrantëve pasi të tejkalohet pragu ditor, shkruan Reuters.
Biden, një demokrat që kërkon një mandat të dytë katërvjeçar në zgjedhjet e 5 nëntorit, ka ashpërsuar qasjen e tij ndaj sigurisë kufitare muajt e fundit pasi emigracioni është shfaqur si një shqetësim kryesor midis amerikanëve që kanë të drejtë votimi.
Republikanët, duke përfshirë kundërshtarin e Bidenit, ish-presidentin Donald Trump, e kanë kritikuar presidentin për tërheqjen e politikave kufitare kufizuese të epokës Trump dhe dështimin për të frenuar nivele më të larta të kalimeve të paligjshme.
Biden nuk ka dhënë ende një miratim përfundimtar për planin. Njoftimi mund të vijë të martën. Versus.al
