Klodian Lekocaj është identifikuar si organizatori i tentativës për vrasjen e dy shqiptarëve në Athinë, më 23 shtator të vitit të kaluar ku mbetën të plagosur Kristjanis Stefa nga Elbasani dhe Florian Bajraktari nga Tirana.
Lekocaj njihet në Greqi si “kreu i mafias së burgjeve”, ndërsa aktualisht po vuan dënimin me burgim të përjetshëm për vrasjen e avokatit Michalis Zafeiropoulos dhe tentativën për vrasjen e një personi tjetër në 2022-in.
Njëri prej katër personave të arrestuar për ngjarjen e shtatorit të vitit të kaluar rrëfeu emrin e Lekocajt si porositës për krimin. Të dy të plagosurit shqiptarë kishin precedentë penalë të mëparshëm, ndërsa dyshohet se Lekocaj dha urdhër nga burgu për të larë hesapet që kishte pa mbyllur me ta në burg.
Aktualisht Lekocaj mbahet i burgosur në Malandarinos nga ku jep direktiva për zhvatje, gjobëvënie dhe vrasje. Versus.al
