Sulmet e Izraelit duke shmangur infrastrukturën civile dhe objektet e energjisë të shtunën i kanë lënë iranianët "kryesisht të lehtësuar". Kështu është shprehur shkrimtari i lindur në Iran, Arash Azizi.
Autori i "Çfarë duan iranianët: Gratë, Jeta, Liria" i tha CNN se kishte folur me disa burime pas sulmit dhe vuri në dukje se ajo të cilës shumë njerëz i frikësoheshin, fatmirësisht nuk ka ndodhur.
Ai tha se Izraeli nuk sulmoi rafineritë e naftës, infrastrukturën e energjisë elektrike dhe objektet e ujit. As nuk synonte zyrtarë politikë apo ushtarakë.
“Kam folur me disa lloj burimesh në Teheran në orët e fundit dhe mendoj se ata janë kryesisht të lehtësuar”, tha ai.
"Ka nga ata që mendojnë se Izraeli mund të përshkallëzohet më vonë, por unë mendoj se ... konsensusi i tyre është se ata nuk duan të zgjerojnë konfliktet, si Shtëpia e Bardhë," përfundoi shkrimtari.
Ndërkohë, nga ana tjetër Izraeli tha se e mbylli serinë e sulmeve si hakmarrje për raketat balistike të lëshuara nga Irani javë më parë pas vrasjes së kreut të Hezbollahut. Versus.al
