Zonja e Parë e Francës, Brigitte Macron, u regjistrua 'gabimisht' me emrin mashkull “Jean-Michel” në portalin zyrtar të taksave franceze.
Ngjarja u zbulua përmes një dokumentari të BFMTV, sipas mediave të huaja.
Az. Tristan Bommé, kreu i administratës së Zonjës së Parë, shpjegoi se incidenti ndodhi në shtator të vitit të kaluar gjatë një kontrolli rutinë të regjistrave të taksave të Brigitte Macron.
Dokumentari thekson se gabimi nuk ishte teknik, por rezultat i ndërhyrjes së jashtme. Pallati i Élysée e mori çështjen seriozisht, dhe Brigitte Macron depozitoi një kallëzim penal. Hetuesit identifikuan dy persona që mund të ishin përgjegjës për manipulimin e të dhënave.
Kujtojmë se pretendime se Brigitte Macron kishte lindur mashkull u përhapën për herë të parë në 2022. Zonja Macron reagoi duke depozituar një padinë për shpifje ndaj mediumit Amandine Roy dhe gazetares Natacha Rey, të cilat kishin publikuar një video në 2021 duke përhapur këto pretendime të rreme.
Në mars 2024, Emmanuel Macron i hodhi poshtë publikisht këto thashetheme, duke i quajtur të pavërteta dhe duke theksuar se i kishin zemëruar. Në qershor 2024 nisi një proces gjyqësor në Paris, i cili përfundoi në shtator me gjobë prej 13,500 eurosh për Roy dhe Rey.
Brigitte Macron ka luftuar prej vitesh kundër këtyre teorive konspirative dhe ka bërë disa padi për shpifje, përfshirë edhe një kallëzim kundër komentatores amerikane Candace Owens. Për të vërtetuar njëherë e mirë identitetin e saj biologjik, Zonja e Parë planifikon të kryejë një test gjenetik.
Raporte të mëparshme treguan se ekipi ligjor i familjes Macron kishte angazhuar hetues privatë për të mbledhur informacione mbi Owens./Përshtati në shqip Versus.al
