Një ditë më parë u raportua për 31 palestinezë të vrarë dhe 170 të tjerë të plagosur gjatë shpërndarjes së ndihmave humanitare në jug të qytetit Rafah. Pavarësisht pretendimeve, një video e publikuar së fundmi tregon momentin kur një ushtar i Hamasit hap zjarr ndaj civilëve gjatë kohës që këta të fundit po tentonin të merrnin ndihmat humanitare të ardhura nga shtete të ndryshme.
Forcat Mbrojtëse të Izraelit kanë mohuar përfshirjen e tyre në këtë ngjarje, ndërsa thonë se Hamasi po bën gjithçka që ka në dorë për të ndaluar që civilët të marrin ndihmat humanitare që vijnë nga ajri për ta.
"Pamjet e filmuara me dron tregojnë persona të armatosur në Gaza që qëllojnë civilët që shkojnë të mbledhin ndihma. Hamasi po bën gjithçka që ka në dorë për të parandaluar shpërndarjen me sukses të ushqimit në Gaza", tha IDF në një postim në X, duke shtuar pamje të supozuara të sulmit.
Pamjet tregojnë burra të armatosur dhe të maskuar që qëllojnë civilët që përpiqen të mbledhin ndihma. NDTV nuk mundi ta verifikonte në mënyrë të pavarur videon dhe nuk ishte e qartë se kush ishin personat e armatosur dhe kush po bëhej shënjestër. Versus.al
